मराठी काव्य
पंढरी ची वारी सुरू झाली आणि पांडुरंगाच्या दर्शनाची ओढ जीवा लागली.
🚩🚩वारी पंढरीची 🚩🚩
पांडुरंगा पांडुरंगा निघालो आम्ही यंदा
तुझ्या दर्शना पांडुरंगा निघालो आम्ही पुन्ह्यांदा ||ध्रु||
दिंड्या पताका घेऊन आम्ही धरली ही वाट,
नाचत नाचत पाऊली खेळत मोठा हा थाट
टाळ मृदुंग सोबत बोले वारीला यंदा,
तुझ्या दर्शना पांडुरंगा निघालो आम्ही पुन्ह्यांदा ||१||
पांडुरंगा पांडुरंगा निघालो आम्ही यंदा
तुझ्या दर्शना पांडुरंगा निघालो आम्ही पुन्ह्यांदा ||ध्रु||
पालखी ला खिलारी जोड शोभे डौलदार
दोन्ही बाजूंनी चालत राहे भाल- चोपदार,
माऊलीच्या अभंगाची गोडी वारीला यंदा
तुझ्या दर्शना पांडुरंगा निघालो आम्ही पुन्ह्यांदा ||२||
पांडुरंगा पांडुरंगा निघालो आम्ही यंदा
तुझ्या दर्शना पांडुरंगा निघालो आम्ही पुन्ह्यांदा ||ध्रु||
मोह मायाचा त्याग करुनी विठ्ठल-विठ्ठल नाम
मुखी बोलूनी, भजनी रंगुनी विसरे अवघे भान,
किर्तनी, भजनी राहुनी आम्ही वारीला यंदा
तुझ्या दर्शना पांडुरंगा निघालो आम्ही पुन्ह्यांदा ||३||
पांडुरंगा पांडुरंगा निघालो आम्ही यंदा
तुझ्या दर्शना पांडुरंगा निघालो आम्ही पुन्ह्यांदा ||ध्रु||
*****
काव्य लेखन :- प्रा. श्री. जनार्दन लक्ष्मण साबळे.
मोबाईल नंबर :- 9921762185
यह वेबसाइट हिंदी भाषा प्रचार-प्रसार हेतु गठित की गई है| इस वेबसाइट पर आपको हिंदी भाषा से संबंधित लेख मिलेंगे जो अपनी भाषा में लिखें हैं |
ConversionConversion EmoticonEmoticon