मराठी काव्य -
माझी शाळा मला खूप आवडते. शालेय जीवनातील अनुभव आणि आठवणी आजही माझ्या मनात ताज्या आहेत. आज शाळेचा निरोप घेऊन २५ वर्षे झाली, परंतु त्याचे प्रतिबिंब अजूनही माझ्या मनावर आहे. शाळेतील मित्र आणि शिक्षक, त्यांच्या गोड आठवणी मला आजही आनंद देतात. शाळेतील प्रत्येक क्षण, प्रत्येक धडा, शाळेच्या आवारातली गमती-जमती आठवतात. शाळेतील मित्रांची साथ, एकमेकांचे चेहरे, आवाज आणि खूप काही आजही माझ्या मनात जिवंत आहे. शिक्षकांचे मार्गदर्शन, त्यांची शिकवणी आणि ते आपुलकीने केलेले मार्गदर्शन अजूनही स्मरणात आहे. शाळेतील त्या संवादांची, शालेय सहलींची आणि विविध उपक्रमांची आठवण सतत येते. शाळेतील खेळ, शिक्षण, शालेय उत्सव आजही कधी न विसरता स्मरणात येणारे आहेत. शाळेतील पहिली शंका, पहिली चूक, त्यावर शिक्षकांचे समजावून सांगणे हे सर्व आठवते. शाळेतली ती छान वाजत असलेले घंटा, शिक्षकांचा कठोर पण सजीव चेहरा, आणि मित्रांचा प्रत्येक हसरा चेहरा हे सगळं अजूनही जिवंत आहे. शाळेतील त्या स्पर्धा, त्या प्रतिस्पर्धी, आणि त्यातल्या काही आठवणी आजही ताज्या आहेत. शाळेच्या त्या सोप्प्या आणि निश्छल भावना, ती मैत्री, त्यातला त्याग आणि समर्थन या सर्वांमुळे शालेय जीवन अनमोल आहे.
या सर्वांची आठवण कायम मनाच्या गाभाऱ्यात जिवंत होती, आहे आणि राहील. त्यातूनच सुचलेल्या या चार ओळी.
✍️✍️✍️✍️✍️✍️✍️✍️✍️✍️
पुन्हा पुन्हा मन होते माझे...
पुन्हा पुन्हा मन होते माझे, फिरुनी यावे त्या वळणावर,
ज्या रस्त्यावर आहे शाळा, जाऊन यावे त्या वळणावर,
पुन्हा पुन्हा मन होते माझे बसुनी पहावे त्या बाकावर,
ज्या मैत्रीने फुलले बालपण, प्रीत करावी त्या मैत्रीवर ||ध्रु||
दुसरी चा हा वर्ग मोठा, दगडी भिंत अन पत्रा असे,
शेण सड्याच्या त्या वर्गामध्ये बसुनी पहावे पुन्हा पुन्हा,
एक खोली मागे वट हा, उभा नयनी अजुनी असे,
त्या वृक्षाच्या छायेखाली बसून पहावे पुन्हा पुन्हा ||१||
पुन्हा पुन्हा मन होते माझे, फिरुनी यावे त्या वळणावर |
ज्या रस्त्यावर आहे शाळा, जाऊन यावे त्या वळणावर ||
तुडवीत जावी पायवाट ही, वर्ग आठवी चा मनी असे,
भूतकाळातील त्या क्षणांचा, अनुभव घ्यावा पुन्हा पुन्हा,
जमुनी सारी मित्र मंडळी लगबग-लगबग मोठी असे,
जाऊन बसावे शाळेमध्ये, म्हणावी प्रार्थना पुन्हा पुन्हा ||२||
पुन्हा पुन्हा मन होते माझे, फिरुनी यावे त्या वळणावर |
ज्या रस्त्यावर आहे शाळा, जाऊन यावे त्या वळणावर ||
दहावी चा तो वर्ग सकाळी, जाण्याची जरा घाई असे,
धडे गिरवणाऱ्या त्या गुरूंना नयनी भरावे पुन्हा पुन्हा,
मराठीच्या त्या तासाला गोष्टींची मजा ही फार असे,
अभ्यासाच्या गमती-जमती करून पहाव्या पुन्हा पुन्हा, ||३||
पुन्हा पुन्हा मन होते माझे, फिरुनी यावे त्या वळणावर |
ज्या रस्त्यावर आहे शाळा, जाऊन यावे त्या वळणावर ||
ऊंच इमारत, मैदान मोठे पाहून यावे पुन्हा पुन्हा,
अशोकाच्या उंच तरु वरी नजर फिरावी पुन्हा पुन्हा,
शाळेचे ते आंगण भारी वंदूनी यावे पुन्हा पुन्हा,
आठवणींच्या हिंदोळ्यावर झुलूनी यावे पुन्हा पुन्हा ||४||
पुन्हा पुन्हा मन होते माझे, फिरुनी यावे त्या वळणावर |
ज्या रस्त्यावर आहे शाळा, जाऊन यावे त्या वळणावर ||
अविरत धडपड ज्या चरणांची पाहून यावे पुन्हा पुन्हा,
गुरु चरण हे थोर निरंतर स्पर्शूनी यावे पुन्हा पुन्हा,
अर्थ जगण्याचा समजुनी घ्यावा, त्यांच्या कडूनी पुन्हा पुन्हा,
गुरु आशीष हा असे हिमालय घेऊन यावा पुन्हा पुन्हा ||५||
पुन्हा पुन्हा मन होते माझे, फिरुनी यावे त्या वळणावर |
ज्या रस्त्यावर आहे शाळा, जाऊन यावे त्या वळणावर ||
**********
काव्य लेखन -
प्रा. जनार्दन लक्ष्मण साबळे.
मो. 9921762185
आपल्या सर्व मित्रांना आणि शिक्षकांना समर्पित.🙏
आपल्या सर्व मित्रांना आणि शिक्षकांना ही कविता पाठवा.🙏
🌸🌸🌸🌸🌸🌸🌸🌸🌸🌸
यह वेबसाइट हिंदी भाषा प्रचार-प्रसार हेतु गठित की गई है| इस वेबसाइट पर आपको हिंदी भाषा से संबंधित लेख मिलेंगे जो अपनी भाषा में लिखें हैं |
Related Post
चिंतन व्हावे - प्रा. जनार्दन साबळे | Chintan Vhave - Janardan Sabale🙏😌 चिंतन व्हावे 😌🙏ब्रह्मा समयी चिंतन व्हावे,अंतरीचे रूप प्रकटुनी यावे ||धृ||तुझे रूप आहे क
प्रीति आस्था - मराठी कविता By जनार्दन साबळे सर Sabale Sirमराठी कवितामाननीय, सन्माननीय, वंदनीय कै. प्राचार्य इंद्रभान दादापाटिल डांगे (सर)यांना समर्पित,
'श्रावणातील साज तू...' मराठी कविता - प्रा. जनार्दन लक्ष्मण साबळे मराठी काव्य Marathi kavita'श्रावणातील साज तू...'श्रावणातील साज तूगारव्यातील मौज तूपाहतान- आरंभी वंदन | प्रा. साबळे जनार्दन लक्ष्मण 🙏 आरंभी वंदन 🙏आरंभी वंदन माझे वक्रतुंड महाकाय,
विघ्न विनाशक भव दुख हारक जय जय जय गणराय
ConversionConversion EmoticonEmoticon